Најчитатели за 2021 година
0
За празникот “Св.Трифун” и “Денот на вљубените”
За празникот “Св.Трифун” и “Денот на вљубените” во Понеделник Ве очекува изненадување “Состанок на слепо” со книга!!! Со најновите книги од Книгохоличари!
0
Најмладиот член во неготинската библиотека има пет, а најстариот 78 години
Најмладиот член во библиотеката во Неготино има пет, а најстариот 78 години. Директорката на библиотеката, Катерина Данаилова сподели за МИА, дека адолесцентите најмногу читаат романси, возрасните пак трилери, а основците, едукативни книги и лектири.
Најмладиот член во библиотеката во Неготино има пет, а најстариот 78 години. Директорката на библиотеката, Катерина Данаилова сподели за МИА, дека адолесцентите најмногу читаат романси, возрасните пак трилери, а основците, едукативни книги и лектири.
Локалната библиотека „Страшо Пинџур” има околу 900 членови.
– Покрај основната книгопозајмувачка дејност, библиотеката постојано реализира иновативни настани и активности, со цел приближување на институцијата до сите возрасни категории на граѓани и промовирање на библиотеката, како активен чинител кој ги следи потребите на јавноста и целокупниот општествен развој во сите сегменти. Инаку, во библиотеката функционира детско интерактивно катче за деца од предшколска возраст, а мејкер спеис со катче за интернет истражување, за ученици од основно и средно образование, рече Данаилова.
Таа потсети дека библиотеката од 2015 година е дел од меѓународната мрежа на библиотеки иноватори, ИНЕЛИ Балканс, а во 2019 година стана дел од националната програма „Библиобум”, за ревитализација на библиотеките, поддржана од амбасадата на САД.
– Во 2021 година земавме учество на виртуелниот Светски конгрес на библиотеки, библиотечно работење и информации, додаде директорката.
Данаилова информираше дека за празникот „Свети Трифун”, кој традиционално се одбележува во Тиквешко, како заштитник на лозарите и винарите, библиотеката ќе реализира традиционално прогласување на најчитатели за 2022 година. Ќе има и саем на книга од издавачката куќа „Сакам книги”, „Состанок на слепо со книга”, натпревар по креативно пишување и виртуелна изложба на книги од областа на лозарство и енологија. свд/цр
0
„Приказна низ прошетка“(Story walk)
„Приказна низ прошетка“(Story walk), проектот е инсталиран во локалниот парк спроти Градскиот музеј. Содржината креирана од библиотеката ќе се менува еднаш месечно. Првата поставка е приказна од енциклопедиски карактер и го опфаќа живиот свет на Арктикот. Децата имаат можност низ едукативна прошетка во парк на забавен начин да читаат приказни и да научат многу нови информации и факти.
0
Награден литературен конкурс “Шармирај го Дедо Мраз”
Напишете краток расказ за вашата најдобра особина- карактерна црта со која можете да шармирате и која ќе ви помогне да ви се исполни Новогодишната желба! Донесете ги творбите до 11.01.2022г. и очекувајте награда за најдобриот!
0
Јавна благдарност до Ротари клуб Неготино
Упатуваме јавна благдарност до Ротари клуб Неготино, кои донираа 278 лектири во библиотеката, со што го обновуваме лектирниот фонд за основно образование! Го поздравуваме препознавањето како и вреднувањето на значењето на книгите за деца !!!
0
Натпревар Есенски пејзаж
Фотографијата која победи на натпреварот”Есенски пејзаж”. Истата е направена во Октомври во Михајлово за време на планинарски младински проект. Честитки за победничката – ученичка IVта год. чија желба да остане анонимна и ја почитуваме.
” Тоа што дел од моето доживување на прекрасната природа која ја доловив во еден микро миг, го споделив, е доволна награда за мене.” – ни изјави нашата ученичка!
0
Есенски литературен конкурс за поетска творба ” Со радост”
Творбите со податоци на авторот се доставуваат во библиотеката.
Еден автор учествува само со една песна
Конкурсот трае од 17.11 до 26.11.2021г.
Нема ограничување на возраст.
0